مهمـا يكـون الشعـور اللـي علـي بـادي

،‘

.

الشاعر/عبد الرزاق الهذيل

أسم كبير في خارطة الشعر الخليجي ويعتبر من شعراء الشعر النبطي المخضرمين، من مواليد محافظة القريات في أقصى الشمال من مملكتنا الحبيبه .

من أروع قصائده - الكـدش وكحيـلان - وقام بتلحين وغناء القصيدة " بدر الليمون " وهو بالمناسبه اعتزل الفن .

مهمـا يكـون الشعـور اللـي علـي بـادي
لا زلـت انـا الـوارد اللـي مـاطـوى حبـلـه

علـى القـراح الـزلالـي طــال تــردادي
اشرب واصدر ظما مدري وش اشرب له

يـا مـن تغاربتـي غيابـي وهــو عــادي
بُعـد الرجـل عـن دواعـي ذلـه اهـيـب لــه

ماامشي قبل لا اعرف الوجهه بلا قادي
ولا صــلــي الا وانــــا مـتـقـبــل الـقـبـلــه

منزالـي النايـفـه عــن حــدري الــوادي
ورجل(ن) يجي في مسيل السيل يـا هبلـه

أبعـدت مالـي غـرض فـي ذل مقـعـادي
مـا دام يلـعـب لــي الـذعـذاع والـعـب لــه

ماني لعرفي مـع اهـل العـرف متـرادي
لاشــك كـبـدي مــن الـلـي شـفـت منـدبـلـه

يــا لاقـيـة خـيـر هــاك العـلـم لـلـغـادي
اللـي عجـز يـفـرق الشيـحـه مــن الربـلـه

أمـانــتــك بـلـغـيــه لــكـــل حـــســـادي
لا غــارت الـكـدش وكحـيـلان باصطبـلـه

أنـا أول العـشـر مـانـي للعـشـر حــادي
مـالـك ومــال افـتـراض الجـاهـل الأبـلــه

يمـوت انـا حاسـدي مـا ياصـل ابعـادي
منّـي نجـوم السـمـا لــو يفـهـم اقــرب لــه

ولابـد مـا الهايـج المايـج يـجـي هــادي
وكل(ن) يشـوف المكـان اللـي يناسـب لـه

إن مـت مـات النبـي وآبــاي واجــدادي
ومـا دام لــي يــوم مـانـي مـيّـت(ن) قبـلـه